Almatyda LRT, BRT jáne metro qurylysy qalaı júrip jatyr

<p>ALMATY. KAZINFORM &ndash; Almatydaǵy BRT qurylysy 2024 jyly bastalady. Bul týraly qalalyq máslıhat sessııasynda belgili boldy.</p>

Qalalyq mobıldilik basqarmasynyń basshysy Saǵyndyq Telibaev byltyr jeltoqsan aıynda kólik qurylymyn damytý jónindegi sheberlik-jospary bekitilgenin atap ótti. Onyń negizgi baǵyttarynyń biri – LRT, BRT metro qurylysy. 

Qazir «Qalqaman» metro stantsııasynyń qurylysy boıynsha jumystar júrgizilýde, sodan keıin metrony «Barlyq» bazaryna deıin uzartý, taǵy 3 jańa stantsııa salý josparda.

«Bıyl Raıymbek dańǵyly boıynsha BRT-nyń birinshi ýchaskesin salýdy bastaımyz. Qurylys Jeltoqsan kóshesi boıynsha Tımırıazev kóshesinen Raıymbek dańǵylyna deıingi aralyqty qamtıtyn bolady. Sondaı-aq Tóle bı kóshesi boıynsha LRT qurylysyna tehnıkalyq ekonomıkalyq negizdeme ázirlenip jatyr. Atalǵan jobalardy iske asyrý qoǵamdyq kólikti damytýǵa oń áser etedi, qala turǵyndary úshin qozǵalys yńǵaıly bolady», - deıdi Saǵyndyq Telibaev.

Osyǵan deıin Erbolat Dosaev Almatyda bir qoǵamdyq kólikten ekinshisine aýysyp otyrý tegin bolatynyn jetkizgen edi. 

Eske salaıyq, byltyr Almatynyń 2040 jylǵa deıingi Bas josparyn ázirleýshiler qoǵamdyq kólikti damytý perspektıvalary týraly aıtqan bolatyn.