Almatyda Іlııas Halyqovty eske alýǵa arnalǵan «Jas sarbaz» estafetasy ótti
Maıor Іlııas Halyqovtyń týystary uıymdastyrǵan is-shara Jambyl aýdanynyń bilim bólimi men Jambyl aýyldyq okrýgy ákimdiginiń qoldaýymen ótti.
Halyqovtar áýleti — áskerı dınastııa. Polkovnık Qasymbek Halyqov — Uly Otan soǵysynyń ardageri. Onyń uldary general-maıor Damır Halyqov pen zapastaǵy general-leıtenant Ámir Halyqov Qarýly kúshterdiń joǵary komandalyq laýazymdarynda qyzmet atqardy. Ókinishke qaraı, áskerı áýletti jalǵastyrýshy «Aıbyn» ordeniniń ıegeri maıor Іlııas Halyqovtyń ǵumyry qysqa boldy.
Almaty oblysynyń Jambyl orta mektebinde ótken Іlııas Halyqovty eske alýǵa arnalǵan «Jas sarbaz» áskerılendirilgen estafetasyna 7 komanda qatysty.
Oqýshylardyń jarysyn Іlııastyń ájesi Razıpa Halyqova, zapastaǵy general-leıtenant Ámir Halyqov, otstavkadaǵy general-maıor Shyntas Ýtıapov, Aýǵan soǵysynyń ardageri Baqyt Jaqypbekov jáne Eńbekshiaral aýylyndaǵy orta mekteptiń dırektory Janna Ermekbaeva tamashalady.
Oqýshylar avtomatty bólshektep-qurastyrý, nysanaǵa atý, kedergiler jolaǵyn eńserý jáne jalpy áskerı qorǵanys jıyntyǵyn kııý daǵdylaryn kórsetti. Jarys qorytyndysy boıynsha birinshi oryndy Jambyl atyndaǵy orta mekteptiń komandasy, ekinshi oryndy Sh. Ýálıhanov atyndaǵy mektep, úshinshi oryndy Súıinbaı atyndaǵy mektep ıelendi.
Estafetanyń jeńimpazdary men júldegerlerine zapastaǵy general-leıtenant Ámir Halyqov gramotalar men estelik syılyqtar tabys etti. Sondaı-aq jeke esepte úzdik nátıje kórsetken oqýshylar da marapattaldy.
Sonymen qatar, Jambyl atyndaǵy orta mektepte maıor Іlııas Halyqov synyby men atys tıri ashyldy.
Buǵan deıin Qorǵanys mınıstrligi JOO-da tegin oqýǵa grant alǵan merzimdi áskerı qyzmetshileriniń tizimin jarııalaǵany belgili boldy.