Almatyda Іlııas Esenberlınniń 110 jyldyǵyna arnalǵan kórme ashyldy

<p>ALMATY. KAZINFORM &ndash; QR Ulttyq kitaphanasynda belgili qazaq jazýshysy, Qazaq KSR Memlekettik syılyǵynyń laýreaty Іlııas Esenberlınniń 110 jyldyǵyna arnalǵan &laquo;Ulttyq rýhtyń shyraǵy&raquo; atty kitap kórmesi uıymdastyryldy.</p>

Mádenıet jáne aqparat mınıstrliginiń málimetinshe, kórme maqsaty – Іlııas Esenberlınniń shyǵarmashylyq murasyn dáripteý, jazýshynyń qazaq ádebıetiniń damýyna qosqan úlesin oqyrmandarǵa tanystyrý.

Kórmege Ulttyq kitaphana qorynan 200 basylym, sonyń ishinde 150 kitap, 50 jýrnal qoıylǵan. 

Foto: Mádenıet jáne aqparat mınıstrligi

Kitap kórmesi úsh bólimnen turady. 

«Uly dalanyń dańqty uly» atty birinshi bólimde jazýshynyń ómiri men qyzmeti týraly materıaldar: entsıklopedııalar, bıblıografııalyq anyqtamalar men ádebıetter usynylǵan.

«Tarıhı roman tabıǵaty» atty ekinshi bólimde І.Esenberlınniń shyǵarmalary, sonyń ishinde 10 tomdyq shyǵarmalar jınaǵy, «Sultan», «Aısha», «Adamgershilik jyry», «Ǵashyqtar», «Kóshpendiler» trılogııasy usynylǵan.

«Halyq júregindegi qalamger» atty úshinshi bólimde І.Esenberlınniń shyǵarmashylyǵy týraly Qazaqstannyń belgili jazýshylarynyń estelikteri, ádebıettanýshylardyń eńbekteri qoıylǵan.

Kórme 2025 jyldyń 3 sáýirine deıin jalǵasady.

Almatynyń metro beketterinde kitap avtomattary ornatylatynyn jazǵan bolatynbyz.