Almatyda lıposaktsııa jasatqan áıel qaıtys boldy

<p>ALMATY. KAZINFORM &ndash; Almatyda artyq salmaqtan arylý úshin lıposaktsııa jasatqan áıel kóz jumdy.</p>

Buqaralyq aqparat quraldarynda taraǵan aqparatqa sáıkes, lıposaktsııa jasatqan áıel jekemenshik klınıkada qaıtys bolǵan.

Almaty polıtsııa departamentiniń resmı ókili Saltanat Ázirbek bul jaıtqa qatysty qylmystyq is qozǵalǵanyn málimdedi.

«Atalǵan derek boıynsha Bostandyq aýdandyq polıtsııa basqarmasy is qozǵady. Adam óliminiń sebep-saldaryn anyqtaý maqsatynda sot-medıtsınalyq saraptama taǵaıyndaldy. Sodan keıin protsessýaldyq sheshim qabyldanady», - dedi Saltanat Ázirbek.

Eske salaıyq 2018 jáne 2020 jyldary Almatyda artyq maıdan arylǵysy kelgen eki áıel ajal qushqan edi.