Almatyda lıft aldyna áıeldi aıaýsyz urǵan er adam ustaldy

<p>ALMATY. KAZINFORM &ndash; Áleýmettik jelilerde Almatydaǵy turǵyn úılerdiń birinde er adamnyń áıeldi aıaýsyz uryp jatqan <a href="https://www.instagram.com/reel/C7CpJM0Cq4V/?igsh=OGx2Y2VwZnQxM3lu" target="_blank" rel="noopener">beınejazbasy</a> tarady.&nbsp;</p>

Beınerolıkten er kisi men áıel adamnyń arasynda janjal týyp, nátıjesinde er kisiniń qol jumsaǵanyn jáne ózge eki adamnyń oqıǵaǵa beı-jaı qarap turǵanyn kórýge bolady.

«Bir er adam áıeldi uryp jatyr. Ekeýi qarap tur. Buǵan ne deýge bolady? Áıel er kisimen ajyrasqan», – delingen beınejazbada.

Atalǵan jaǵdaıǵa Almaty qalasy polıtsııa departamentiniń baspasóz qyzmeti túsinikteme berdi.

«Uryp-soǵý faktisi boıynsha is qozǵaldy. Kúdikti ustaldy. Ol mindetti túrde jaýapqa tartylady. Sonymen qatar jábirlenýshi dene jaraqattarynyń aýyrlyq dárejesin anyqtaý maqsatynda sot-medıtsınalyq saraptama taǵaıyndaldy. Іs materıaldary sheshim qabyldaý úshin sotqa jiberiletin bolady», – dep habarlady Almaty qalasy polıtsııa departamentiniń baspasóz qyzmetinen.