Almatyda LEGO brendiniń ataýyn jamylǵan kásipkerdiń saýdasyna tosqaýyl qoıdy
«Lego Juris A/S» kompanııasy ókiliniń ótinishi boıynsha Almaty qalasynyń kóterme saýda bazarlarynyń birinde kóterme saýdamen aınalysatyn «B» JShS jospardan tys tekserý júrgizildi. Tekserý barysynda balalar konstrýktorlarynda «LEGO» taýar belgisin zańsyz paıdalanǵany anyqtaldy.
«Nátıjesinde 4 mıllıon teńgeden astam somaǵa 3 145 kontrafaktilik ónim alyndy. Bul oıynshyqtar zııatkerlik menshik quqyǵyn buzyp qana qoımaı, balalardyń densaýlyǵyna úlken qaýip tóndiredi. Kontrafaktilik oıynshyqtarda qaýipti hımııalyq zattardyń bolýy jáne sapasyz materıaldardan jasalýy múmkindigi zor. Bul balalardyń densaýlyǵy men qaýipsizdigine aýyr zardaptar ákelýi múmkin», — dep jazdy Ádilet mınıstrliginen.
Kontrafaktilik ónimder tanymal brendterge degen senimge nuqsan keltirip, adal óndirýshilerge zııan tıgizedi. Qazirgi ýaqytta QR ÁQBtK-niń 158-baby boıynsha kináli tulǵany ákimshilik jaýapkershilikke tartý boıynsha is júrgizý sharalary qabyldanýda. Іstiń materıaldary kinálini odan ári jaýapqa tartý úshin sotqa jiberiletin bolady.