Almatyda Qoǵamdyq densaýlyq saqtaý basqarmasy basshysynyń orynbasary jaýapqa tartyldy

<p>ALMATY. KAZINFORM &ndash; Almaty prokýratýrasy laýazymdy tulǵany ákimshilik jaýapqa tartty.</p>

Almaty qalasynyń prokýratýrasy jeke tulǵanyń joldanymyn qaraýdy áýre-sarsańǵa salý faktisi boıynsha usynys engizdi.

Alaıda Almaty qalasynyń Qoǵamdyq densaýlyq saqtaý basqarmasy qadaǵalaý aktisine ýaqytyly jaýap bermedi. Osyǵan baılanysty qala prokýratýrasy osy basqarma basshysynyń orynbasaryn ÁQBtK-niń 664-babymen ákimshilik jaýapkershilikke tartty, is qysqartylǵan tártippen qaraldy.

«Prokýratýra týraly» Qazaqstan Respýblıkasy Konstıtýtsııalyq zańynyń 36-babyna sáıkes usynym onda kórsetilgen zań buzýshylyqtardy laýazymdy adam nemese organ kúntizbelik otyz kún ishinde joıý jóninde sharalar qabyldaı otyryp, al eger adam men azamattyń ómiri men densaýlyǵy, memlekettiń qaýipsizdigi úshin orny tolmas zardaptar týyndaýy múmkin bolsa, prokýror belgilegen merzimde qaralýǵa jatady», - dep atap ótti vedomstvodan.