Almatyda qutqarýshylar Úlken Almaty ózeni aýmaǵynda kezekshilik etedi

<p>109 qutqarý qyzmetiniń qyzmetkerleri Úlken Almaty ózeni aýmaǵy men Tuıyqsý shatqalynda kezekshilik etedi. Bul týraly Óńirlik kommýnıkatsııalar qyzmetinde ótken baspasóz máslıhatynda Almaty qalasynyń qutqarý qyzmetiniń qutqarýshysy Dosym Nádirbekov aıtty, dep habarlaıdy Kazinform.</p>

Aıtýynsha, Úlken Almaty ózeni men Tuıyqsý shatqalynyń aýmaǵynda ornalasqan eki baqylaý-qutqarý beketi adamdardyń qaýipsizdigin qamtamasyz etedi. Munda qutqarýshylar táýlik boıy kezekshilik etedi.

«Eger adamdar qıyndyqqa tap bolsa, ( taýly aýdandarda nemese taıǵaq joldarmen, muz aıdyndarymen júre almaǵan jaǵdaıda, sýǵa batý qaýpi bar) ekenin bilse 109 nómirine qońyraý shalý arqyly qutqarýshylardy shaqyra alady. Qazir taýly aýdandarda, aýa raıynyń ózgerýin eskere otyryp, kóshkin qaýpi bar jerlerde adasyp ketý, óz betinshe túsý nemese qaıtyp oralý qaýpi óte joǵary», - dedi spıker.

Sondaı-aq, qutqarýshy mereke kezinde qandaı jaǵdaılarmen jıi kezdesetinin aıtyp, jańa jyldy qalaı qaýipsiz qarsy alý kerektigi týraly usynystarymen bólisti.

«Jańa jyl qarsańynda barlyǵy otshashýdy atýǵa jáne ony kórýge asyǵady. Sol kezde qatty jabylyp qalǵan esikter ashylmaı qalady. Ol kezde úıdiń ishindegi gaz ben peshtiń úsinde tamaq pisip jatady. Bul jaǵdaıdy qıyndatady, óıtkeni órt qaýpi artady, jalyn nemese gaz shyǵýy múmkin. Sondyqtan barynsha muqııat bolǵan abzal», - deıdi ol.

Sonymen qatar, qutqarýshylar pırotehnıkany qoldanǵan kezde balalardy qaraýsyz qaldyrmaýǵa keńes beredi.