Almatyda Qurmanǵazy men Dostyq kósheleriniń qıylysy bir túnge jabylady
18:10, 21 Maýsym 2024
<p>ALMATY. KAZINFORM – Almatyda Qurmanǵazy men Dostyq kósheleriniń qıylysyndaǵy qubyr aýystyrylady.</p>
Osyǵan baılanysty 21 maýsym túngi saǵat 23:00-den 22 maýsym tańǵy saǵat 09:00-ge deıin Almatydaǵy Medeý aýdanynda Qurmanǵazy men Dostyq kósheleriniń qıylysynda avtokólik úshin qozǵalys jabylady. Atalǵan kóshelerde eki baǵytta da kólik qozǵalysy shekteledi.
«Ýaqytsha shekteýler atalǵan kóshe qıylysy bóliginiń astynan ótetin uzyndyǵy 305 metrlik qubyrdy jańǵyrtý úshin engizilip otyr. Bul qubyr 5 kópqabatty turǵyn úıdi jáne taǵy basqa 4 nysandy jylýmen jáne ystyq sýmen qamtamasyz etedi. Jumys kezeńinde tutynýshylar ystyq sýmen burynǵysynsha úzdiksiz qamtamasyz etiledi», - dep habarlady «Almaty jylý júıesi» JShS.
Aıta keteıik, bıyl megapolıste uzyndyǵy 250 shaqyrym bolatyn 274 kóshege ortasha jóndeý jumystaryn júrgizý josparlanǵan.