Almatyda qurylys kompanııalaryna nóser kárizderin salý mindettelmek

<p>Osy jyldyń 10 qazannan bastap Almaty ákimdiginiń qalada túrli qurylys-jóndeý jumystaryn júrgizý kezinde nóser kárizin retteý qajettiligi týraly qaýlysy kúshine endi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Qalalyq mobıldilik, energetıka jáne sýmen jabdyqtaý, ekologııa jáne qorshaǵan orta, josparlaý jáne ýrbanıstıka, qurylys basqarmalary men Almaty qalasy aýdandary ákimderiniń apparattary QR zańnamasynda belgilengen tártippen kóshe-jol jelisin salý, rekonstrýktsııalaý, kúrdeli jáne ortasha jóndeý kezinde ınjenerlik kommýnıkatsııalardy salýdan, rekonstrýktsııalaýdan jáne jóndeýden keıin qalpyna keltirý kezinde nóser kárizderin retteıdi», - delingen qaýlyda.

Sondaı-aq, ınjenerlik jelilerdi salý, rekonstrýktsııalaý jáne jóndeýden keıin joldyń asfaltbeton jabynyn qalpyna keltirý kezinde tıisti jol tańbalaý syzyqtaryn salýdy qamtamasyz etý qajet.

Nóser kárizi - bul jańbyr men erigen sýdy qala aýmaǵynan tys jerlerge aǵyzyp jiberýgen arnalǵan kúrdeli ınjenerlik júıe. Jańbyr sýyna kollektorlar, jańbyr naýalary, arnalar, sý qoımalary kiredi.

Almatydaǵy aryq jelisiniń uzyndyǵy - 1525 shaqyrym onyń 1208 shaqyrymy nóser kárizi retinde paıdalanylady.

Almaty ákimdiginiń málimetinshe, 2024 jyldyń sońyna deıin 376 km aryq jelisin salý josparda. Onyń ishinde bıyl 80,1 km salyndy.