Almatyda kýrerlerdiń mıtıngige shyqqany týraly aqparat jalǵan

<p>ALMATY. KAZINFORM &ndash; Áleýmettik jelide Almatyda moped arqyly jetkizý qyzmetimen aınalysatyn azamattar sherýge shyqqany týraly aqparat tarady.&nbsp;</p>

Áleýmettik jelidegi birneshe paraqshada kýrerlerdiń jınalyp, sherýge shyqqany habarlandy. Beınejazbadaǵy aqparatta jetkizý qyzmetimen aınalysatyn adamdardyń jınalýyna olarǵa arnalǵan kásibı merekeniń bolmaýy sebep bolǵany aıtylǵan. Alaıda qalalyq Polıtsııa deparatmenti atalǵan faktini joqqa shyǵaryp, bul fılm túsirilimi ekenin málimdedi. 

Áleýmettik jelide taraǵan beınejazba túsirilim alańynda jasalǵanyn jaýapty kınokompanııa da rastady. 

– Kadrlar 6 tamyz kúni keshke «SHEKER. Poslednıı shans» tolyqmetrajdy kınosynyń túsirilim alańynda kýágerlermen jasalǵan. Jobany Sálem Entertainment medıakompanııasy Epicentrum kınokompanııasymen birlesip júzege asyryp jatyr. Jalpy túsirilim protsessi tolyǵymen aıaqtaldy, kıno kúzde jaryqqa shyǵady, - dep habarlady Sálem Entertainment medıakompanııasynyń baspasóz qyzmetinen.

Eske salaıyq, buǵan deıin ıAndeks júrgizýshileriniń, kýrerlerdiń eńbek quqyǵy qalaı qorǵalatyny týraly jazǵanbyz. 

Sondaı-aq Almatyda zańsyz kýrer bolyp júrgen bir top sheteldik eline qaıtarylǵanyn jazǵan edik.