Almatyda «Kúmis jas» jobasy boıynsha qansha adam jumyspen qamtylady
22:56, 17 Qańtar 2024
<p>ALMATY. KAZINFORM – Almatyda 2023 jyly zeınetkerlik jasqa deıingi adamdardy jumyspen qamtý jobasy sheńberinde 385 turǵyn jumysqa ornalastyryldy. Bul týraly óńirlik kommýnıkatsııalar qyzmetinde ótken baspasóz máslıhatynda Almaty qalasynyń eńbek mobıldi ortalyǵy dırektorynyń mindetin ýaqytsha atqarýshy Aslanbek Qýanyshov málim etti.</p>
«Kúmis jas» jobasy boıynsha 2024 jyly 400 adamdy jumyspen qamtý kózdelip otyr. Byltyr 385 almatylyq jumysqa ornalasty», - dedi Aslanbek Qýanyshov.
Spıkerdiń sózinshe, bıyl megapolıste 40 myńǵa jýyq adam turaqty jumysqa ornalasady.
«2024 jyly belsendi jumyspen qamtý sharalarymen 38 253 adamdy eńbekke tartý josparda. Qazirgi ýaqytta jumyssyzdar retinde ortalyqta 15 727 adam esepte tur», - dedi ol.