Almatyda kishkentaı balanyń aıaǵynyń bashpaıyn qolyna aýystyryp saldy

<p>Álemge áıgili mıkrohırýrg qazaqstandyq alty balaǵa kúrdeli operatsııa jasady, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

 

Almatyda №2 qalalyq balalar klınıkalyq aýrýhanasynda sırek kezdesetin aıaq-qol patologııasy bar balalarǵa otany álemge áıgili mıkrohırýrg, professor Igor Golýbev jasady.

Foto: №2 Almaty qalalyq balalar klınıkalyq aýrýhanasy

 

«Almaty qalasynnyń №2 qalalyq balalar klınıkalyq aýrýhanasynyń 20-dan astam qyzmetkeri master-klassqa qatysty. Aıaq-qolynda týabitken jáne júre paıda bolǵan aqaýy bar barlyq balanyń ishinen bizdiń dárigerler konsılıýmy kómek kórsetilgen alty patsıentti tańdady. Mundaı master-klassty dárigerlerdiń kásibıliginsiz, sondaı-aq bizdiń bas seriktesimiz «Samruk-Kazyna Trust» áleýmettik jobalardy damytý qorynyń qoldaýynsyz ótkizý múmkin bolmas edi», - deıdi «Meıirim» eriktiler qoǵamy» qoǵamdyq qorynyń dırektory Arýjan Saın.

Bir jarym jasar Múbáráktiń ájesi Mıra Qalıbekovanyń aıtýynsha, nemeresi oń qoldyń aplazııasymen jáne sol qolynyń birinshi jáne ekinshi saýsaqtarynyń falangasy joq kúıinde dúnıege kelgen. 

Foto: ı№2 Almaty qalalyq balalar klınıkalyq aýrýhanasy

 

«Qyzym «Meıirim» qoǵamdyq qoryna júgindi, tekserýden keıin dárigerler aıaqtyń bashpaıyn sol qolǵa aýystyryp salýǵa bolatynyn aıtty. Bul oǵan sol jaq qolymen kese ustaýǵa, sol qoldy tolyǵymen paıdalanýǵa múmkindik beredi. Bolashaqta mektepke barǵanda sol qolymen qalam ustap, jaza alý úshin qajet», - deıdi balanyń ájesi.

№2 balalar qalalyq klınıkalyq aýrýhanasynyń dırektory Marat Rabandııarovtyń sózinshe, saýsaqty qolǵa transplantatsııalaý otasy segiz saǵatqa sozylǵan.

 

«Bala júredi, oınaıdy, ata-anasy oǵan oń bilegine kosmetıkalyq protezge tapsyrys berdi. Damý jaǵynan bala óz qatarynan qalmaıdy, onyń barlyq analızderi qalypty. Saýsaqty qolǵa transplantatsııalaý boıynsha ota segiz saǵatqa sozyldy. Múbarakqa qalpyna kelý qajet. Mundaǵy búkil otalar ártúrli sıpatta boldy. Onyń ishinde týabitken aqaýlar da, jaraqattan keıin paıda bolǵan erekshelikter de bar»,- dep atap ótti №2 balalar qalalyq klınıkalyq aýrýhanasynyń dırektory Marat Rabandııarov.