Almatyda Qojanov kóshesi de úsh aıǵa jabylady
27 maýsym men 15 qyrkúıek aralyǵynda Almatynyń Almagúl shaǵyn 15 úıinen Jarokov kóshesine deıin Qojanov kóshesinde kólik qozǵalysy shekteledi.
Qozǵalys eki jaqqa da jabylady.
«1976 jyly paıdalanýǵa berilgen, atalǵan kósheniń júris bóliginiń astynan ótetin uzyndyǵy1240 metr qubyrdy rekonstrýktsııalaý ýchaskesinde josparly jumystardy júrgizý qaýipsizdigin qamtamasyz etý úshin ýaqytsha shekteýler engiziledi», — dep habarlady «Almaty jylý jelileri» JShS.
Bul qubyr 153 kóppáterli turǵyn úıdi, 7 jeke úı, 5 balabaqsha, 4 bilim, 2 densaýlyq saqtaý obektisin jáne ózge de 15 nysandy jylýmen jáne ystyq sýmen qamtamasyz etedi.
Joǵaryda kórsetilgen tutynýshlar rekonstrýktsııa kezinde ystyq sýmen jabdyqtalady.
«Ýaqytsha qolaısyzdyqqa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala qarastyrýdy suraımyz», — dep habarlady Almaty jylý júıesi.
Buǵan deıin Almatyda Maqataev jáne Júrgenov kóshesiniń 3 aıǵa jabylatynyn jazǵan edik.
Aıta keteıik, bıyl megapolıste uzyndyǵy 250 shaqyrym bolatyn 274 kóshege ortasha jóndeý jumystaryn júrgizý josparlanǵan.