Almatyda kóshelerdi uzartý úshin jer ýchaskeleri satyp alynady

<p>QONAEV. KAZINFORM &ndash; 2025 jyly Almaty ákimdigi birneshe kósheni uzartý úshin jer telimderin satyp alýdy aıaqtaıdy.</p>

Naýryzbaı aýdanynyń turǵyndarymen kezdesý barysynda Almaty ákimi Erbolat Dosaev aýdanda jol-kólik ınfraqurylymyn damytý jáne jolaýshylar tasymalynyń sapasyn arttyrý jónindegi jumystarǵa toqtaldy.

Aıtýynsha, bıyl aýdannyń 110 kóshesindegi 50 myń sharshy metr jol aǵymdaǵy jóndeýmen qamtylǵan. Qarasha aıynyń sońyna deıin 150 kóshede taǵy 20 myń sharshy metr joldy jóndeý josparda.

«Qazir 8 kóshede 5 km jolǵa ortasha jóndeý júrgizildi, qarasha aıynyń sońyna deıin uzyndyǵy 13 km bolatyn taǵy 22 kóshe ortasha jóndeýmen qamtylady, qazan aıynyń sońynda Aqjar shaǵyn aýdanyndaǵy 6 kóshe boıynsha 2 km jol qurylysyn aıaqtaý kózdelgen», - dedi Erbolat Dosaev.

Qala basshysynyń sózinshi, aýdanda magıstraldyq kóshelerdi uzartý jumystary jalǵasyp jatyr. Qarasha aıynyń sońyna deıin Abaı dańǵylyn Stroıtelnaıa kóshesinen qala shekarasyna deıin uzartýdy aıaqtalady. Tóle bı kóshesin uzartý úshin qajetti 270 jer ýchaskeniń, 170 telimi satyp alyndy, qalǵan ýchaskelerdi satyp alýdy jyl sońyna deıin aıaqtaý josparda. Jubanov kóshesin uzartý úshin 346 jer ýchaskesi alynatyn bolady. 148 nysan boıynsha qaýlylar qabyldandy, ýchaskelerdi satyp alý 2025 jyldyń sońyna deıin jalǵasady. 

Sondaı-aq jyl basynan beri 150 avtobýs jańartyldy. Turǵyndardyń jaılylyǵy úshin 12 jańa aıaldama pavılony ornatyldy, al jyl sońyna deıin buryn bolmaǵan taǵy 5 aıaldama ornatylady.