Almatyda koronavırýs juqtyrǵandardyń 30 paıyzy — qarııalar

<p>ALMATY. KAZINFORM — Almaty qalasynyń sanıtarııalyq-epıdemıologııalyq baqylaý departamentiniń málimetine sáıkes, megapolıste koronavırýs ınfektsııasy boıynsha epıdemıologııalyq jaǵdaı turaqty.</p>

Sońǵy jeti kúnde, ıaǵnı 16-22 tamyz aralyǵynda KVI 6 jaǵdaıy tirkelse, al aldyńǵy 7 kúnde 4 KVI jaǵdaıy tirkelgen.

— 2024 jyldyń qańtar aıynan bastap 22 tamyzǵa deıin qala turǵyndary arasynda koronavırýstyq ınfektsııanyń zerthanalyq rastalǵan 296 jaǵdaıy tirkeldi. onyń ishinde 14 jasqa deıingi balalar arasynda– 31 jaǵdaı, jasóspirimder arasynda — 6 jaǵdaı, eresekter arasynda — 259 jaǵdaı, — dedi Almaty qalasynyń sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova.

SEBD málimetinshe, jyl basynan beri koronavırýs juqtyrǵandardyń 7,1% — 1 jasqa deıingi balalar (21), 10,5% — 14 jasqa deıingi balalar (31), 4,1% — 15-19 jas aralyǵyndaǵy jasóspirimder (12), sondaı-aq 38,5% — 20-39 jastaǵy azamattar (114), 16,5% — 40-59 jastaǵy azamattar (49) jáne 30,4% — 60 jas jáne odan joǵary jastaǵy zeınetkerler (90).

— Koronavırýsqa qarsy profılaktıkalyq sharalar tumaý men JRVI kezinde sııaqty júrgiziledi. Infektsııadan qorǵaýdyń jalǵyz ádisi vaktsınatsııa ekenin este ustaǵan jón, — dep atap ótti Ásel Qalyqova.

Eske salaıyq, buǵan deıin Almatyda jyl basynan beri 300-ge jýyq adam koronavırýs juqtyrǵanyn jazǵanbyz.