Almatyda kópqabatty úıdiń shatyry órtendi

<p>ALMATY. QazAqparat - Almaty ortalyǵyndaǵy kópqabatty úıdiń shatyrynan órt shyqty.</p>

«Medeý aýdany Samal-2 mekenjaıynda búgin saǵat 9:24 shamasynda kópqabatty úıde órt shyqqany týraly habarlama kelip tústi. Órt sóndirý bólimsheleri joǵary shaqyrý dárejesi boıynsha jiberildi. Alǵashqy kelgen bólimshe 17 qabatty turǵyn úıdiń shatyrynda jeldetý júıesiniń qaptamasy men aǵashtan jasalǵan jabyndynyń janǵanyn anyqtady. Saldarynan órttiń taralý qaýpi týyndady»,- dep habarlady qalalyq TJD baspasóz qyzmeti.

Órt 8 sharshy metr aýmaqty sharpyǵan.

«Dereý sýdyń úzdiksiz berýi ishki órt sóndirý kranynan qamtamasyz etilip , qosymsha órt oqpandary jiberildi. Órttiń jeldetý arnalary arqyly tómengi qabattarǵa taralýyna jol berilmedi»,-dep atap ótti vedomstvodan.

Qabyldanǵan sharalardyń kómegimen órt 09:54-te tolyq sóndirildi.