Almatyda kóp qabatty úıdiń qasbeti qulady – kim jaýapty?
Áýezov aýdanynyń ákimdiginiń málimetinshe, «Aqsaı-4» yqsham aýdany, 16a mekenjaıy boıynsha ornalasqan 6 qabatty úıdiń soltústik jaǵyndaǵy qasbeti men syrtqy qaptamasy (194 sharshy metr) ajyrap, 15 tamyzda túngi 2:30-da qulaǵan. Áýezov ákimdigi qazirgi ýaqytta «Almaty Turǵyn úı» JShS-men birlesip, úıge tekserý júrgizip jatqanyn habarlady.
- Úı 2012 jyly qoldanysqa berildi. Úıge jáne onyń qasbetine kepildik berý merzimi 2014 jyly aıaqtaldy. Kepildik úı paıdalanýǵa berilgen sátten bastap eki jylǵa beriledi. Osyǵan baılanysty úıdi kútip ustaý jaýapkershiligi páter ıelerine júkteledi. «Almaty Turǵyn úı» JShS atalǵan úıdi turǵyndar esebinen qalpyna keltirýdiń smetalyq qunyn esepteıdi. Budan basqa, qurylys qoqystaryn shyǵarý boıynsha jumystar júrgiziletin bolady, – dep habarlady aýdan ákimdiginen.
Eske salaıyq, buǵan deıin byltyr tutqyndalǵan Almaty ýrbanıstıka basqarmasynyń basshysyna qandaı aıyp taǵylǵanyn jazǵan edik.