Almatyda kommýnaldyq qyzmetter kúsheıtilgen rejımge aýystyryldy

<p>Qazgıdromettiń boljamy boıynsha Almaty qalasynyń aýmaǵynda 11-12 jeltoqsan aralyǵynda bıiktigi 7 sm-ge deıin qar jaýady dep kútilýde, dep habarlaıdy <a href="Kazinform" target="_blank" rel="noopener">Kazinform</a>.</p>

Almatyda 11 jeltoqsanda aýa temperatýrasy -2 gradýs aıaz, túnde -10... -12, 12 jeltoqsanda kúndiz -20 gradýsqa deıin tómendeıdi dep kútilýde. Osyǵan oraı qalanyń kommýnaldyq qyzmetteri kúsheıtilgen jumys rejımine aýystyryldy.

Foto: Almaty ákimdigi

Almaty qalasynyń kommýnaldyq ınfraqurylymdy damytý basqarmasy 51 patrýldik brıgadanyń kezekshiligin uıymdastyrdy, 962 jol jumysshysy, 360 birlik arnaıy tehnıka, onyń ishinde 124 qum taratqysh, 31 qar tıegish, 32 qar shyǵarý úshin samosval jumyldyryldy. Qajet bolǵan jaǵdaıda arnaıy tehnıkanyń sany artady.

«Aýa raıynyń nasharlaýy men qar túrinde jaýyn-shashynnyń kóp túsýine baılanysty kólik júrgizýshiler men jaıaý júrginshiler jolda abaı bolǵandary jón. Júrgizýshilerge qaýipsiz jyldamdyq rejımin saqtaý, avtokólikter arasyndaǵy qashyqtyq pen búıirlik aralyqty, qaýipsiz qashyqtyqty saqtaý, jolda manevr jasaý kezinde uqypty bolý qajet. Qaýipti jaǵdaıda jol apatyn aldyn alý úshin jyldamdyqty barynsha tómendetken jón. Jaıaý júrginshiler jol boıynda óte muqııat bolý kerek, qolaısyz aýa-raıynda kórinýshiliktiń shekteýli bolýy múmkin ekenin este ustaǵan jón. Sondaı-aq, qar tazalaý tehnıkasynyń jumysyna kedergi keltirmeý úshin júrgizýshiler kólikterin arnaıy bólingen oryndarǵa qoıýdy suraımyz», - delinedi ákimdiktiń habarlamasynda.

Ákimdikte sondaı-aq jol men trotýarlar, qoǵamdyq paıdalaný oryndarynda qar sapasyz tazalanǵan jaǵdaıda Whats App [phone] nómirine habarlasýǵa bolatynyn habarlady.

Foto: Almaty ákimdigi