Almatyda kommýnaldyq qyzmetter kúsheıtilgen rejımde jumys istep jatyr
Qar jaýa bastaǵan sátten kóktaıǵaqtyń aldyn alý úshin joldarǵa, qıylystarǵa, jolaıryqtardyń kire beristerine muz eritetin qospalar shashyldy, jaýǵan qar sypyryldy. Jalpy, búgin kóktaıǵaqqa qarsy 1480 tonna materıal paıdalanyldy.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, avtoturaq «qaltalaryn», jerústi ótkelderin, saıabaqtar men skverlerdi tazartý jumystary júrip jatyr. Qardy tazartý taýly, taý bókterindegi aýdandarda, sondaı-aq jaıaý júrginshiler aımaqtarynda júrgizildi.
Kúndizgi kezeńde 609 tehnıka men 1280 jol jumysshysy jumyldyryldy.
Aýdandyq ákimdikter men merdiger uıymdarda qardan tazartý jumystarynyń óndirisin baqylaý úshin táýlik boıyna kezekshilik uıymdastyryldy.
«Qazgıdromet» RMK aqparaty boıynsha, búgin túngi 22 saǵatqa deıin jaýady. Qazir aýa temperatýrasy -3 -5°S, odan ári 9 jeltoqsandaǵy túngi kezeńde -11-13°S deıin tómendeıdi.