Almatyda kólikterdi zańsyz tirkeýmen aınalysqan qylmystyq top ustaldy

<p>ALMATY. KAZINFORM - Іshki ister mınıstrligi arnaıy jedel is-sharalar barysynda uıymdasqan qylmysqa qarsy kúres bólinisi prokýratýranyń kómegimen Almaty qalasynda kólik quraldaryn tirkeýge qoıýdyń qylmystyq tsıklin anyqtaǵanyn habarlady.&nbsp;</p>

Qylmystyq top kólik quralynyń biregeı kodyn ózgertý jáne qujattardy qoldan jasaý arqyly avtokólikterdi tirkeýmen aınalysqan. Nátıjesinde VIN-kodtardy ózgertýmen aınalysqan jerasty tsehynyń jumysy áshkerelendi. Tirkeýge zańsyz qoıylǵan 150-den astam avtokólik anyqtaldy.

– Qylmystyq is-áreketke arnaıy halyqqa qyzmet kórsetý ortalyǵy qyzmetkerleriniń jáne deldaldardyń qatysy anyqtaldy. Bir dropperge 50 avtokólikke deıin tirkelgen. 17 kúdikti ustaldy. Zattaı dáleldemeler tárkilendi. AEQ qaýipsizdik qyzmetimen birlesip tekserý jalǵasýda, – dedi ІІM uıymdasqan qylmysqa qarsy kúres departamenti ókili Qýandyq Alpys.

Memleketke zańsyz áreketterden keltirilgen zalal shamamen 320 mln teńgeden asty. Alaıaqtyq, málimetter bazasyndaǵy aqparatty zańsyz ózgertý men kólik quraldarynyń sáıkestendirý nómirlerin qoldan jasaý faktileri boıynsha 17 qylmystyq is tergelip jatyr. 

Eske salaıyq, buǵan deıin Almatyda qatarynda POP-MMA sportshylary bar qylmystyq top ustalǵanyn jazǵanbyz.