Almatyda kólik tizgindegen balanyń ata-anasy izdestirilýde

<p>ALMATY. KAZINFORM &ndash; Almatyda júrgizýshi kishkentaı balany rólge otyrǵyzǵan.</p>

Oqıǵanyń vıdeosy jelige shyqty. Vıdeodaǵy jazbada ata-analar balalaryn aldyna alyp, Ál-Farabı dańǵylynyń boıymen saǵatyna 70-80 jyldamdyqpen júrgeni jazylǵan. 

Almaty qalalyq polıtsııa departamentiniń málimetinshe, atalǵan fakti boıynsha Jergilikti polıtsııa qyzmetiniń izdestirý bólimi tekseris sharalaryn bastady.

«Balanyń kólik júrgizýine jol bergen jaýapsyz ata-ana mindetti túrde anyqtalyp, jaýapqa tartylady. Almaty polıtsııasy jol erejesin qatań saqtaý jáne jaýapkershilik deńgeıin arttyrý talabyn taǵy eske salady Jol qatelikti keshirmeıdi» - dep habarlady qalalyq polıtsııa departamentiniń baspasóz qyzmeti.

Eske salsaq, Almatyda Medeýge barar jolda eki kólik soqtyǵysyp, saldarynan 4 adam zardap shekken edi.