Almatyda qoǵamdyq oryndarda jasalatyn qylmystar azaıǵan

<p>ALMATY. KAZINFORM &ndash; Almaty qalalyq polıtsııa departamentiniń bastyǵy, polıtsııa general-maıor Arystanǵanı Zapparov halyq aldyndaǵy jyl saıynǵy esep berý jıynyn ótkizdi, dep habarlady Almaty qalalyq polıtsııa departamentiniń baspasóz qyzmeti.</p>

Arystanǵanı Zapparovtyń aıtýynsha, Almaty polıtsııasynyń qyzmeti Memleket basshysy Qasym-Jomart Toqaev bergen tapsyrmalardy oryndaýǵa, sondaı-aq barlyq saladaǵy qyzmetti jaqsartýǵa baǵyttalǵan. Ol sondaı-aq qaladaǵy qylmystyq ahýal turaqty jáne baqylaýda, qylmystardy ashýdyń tıimdiligi artqanyn habarlady.

«Qylmysty taldaý derekteri boıynsha qabyldanǵan sharalardyń arqasynda qylmystar 23,9%-ǵa qysqardy. Qoǵamdyq oryndarda jasalǵan qylmys sany 3,4%-ǵa, kóshede jasalatyn qylmystar 18,8%-ǵa, mas kúıinde jasalǵan qylmystar 19,6%-ǵa azaıdy. Ótken jyly atqarylǵan birqatar is-shara qylmystyń azaıýyna yqpal etti. Biz qala ákimdigi men Іshki ister mınıstrliginiń qoldaýymen qala turǵyndary men qonaqtarynyń ózderin jaıly ári qaýipsiz sezinýi úshin barlyq sharalardy júzege asyryp jatyrmyz», - dedi Almaty qalalyq polıtsııa departamentiniń bastyǵy.