Almatyda qoǵamdyq kólikter júretin jolaqtar kóbeıedi

<p>Almatyda kólik salasynda sheshilýi qajet úsh negizgi másele bar. Eń aldymen marshrýttardy ońtaılandyrý, avtobýs pen trolleıbýstar úshin tolyqqandy ınfraqurylym qurý, sondaı-aq qarbalas ýaqytta qoǵamdyq kóliktiń úzdiksiz jumysyn qamtamasyz etý. Bul týraly Almaty qalalyq mobıldilik basqarmasynyń basshysy Saǵyndyq Telibaev aıtty, dep habarlaıdy <a href="Kazinform." target="_blank" rel="noopener">Kazinform.</a></p>

Spıkerdiń aıtýynsha, qazaqstandyq normatıvter qalanyń tar kóshelerinde arnaıy qoǵamdyq kólik jolaqtaryn qurý úshin alty jolaqtyń bolýyn talap etedi. 

«Biz megapolıs úshin arnaıy tehnıkalyq sharttardy ázirlep jatyrmyz, sonymen qatar bir jolaqtyń enin azaıtýdy usynamyz. Qazir joldaǵy bir jolaqtyń eni kólikter úshin 3,5 metr, qoǵamdyq kólikter úshin 4 metr. Kóptegen elde jolaqtardyń ólshemi 2,7 jáne 3,1 metr. Qalamyz úshin sondaı parametrdi kózdep otyrmyz. Keıin tańba syzýdy ózgerte alamyz, joldyń boıynda bos jerler paıda bolady, onda biz qoǵamdyq kólikter men velojoldarǵa arnalǵan jolaqtardy jabdyqtaıtyn bolamyz», - dedi spıker. 

Aıta keteıik, búgingi qalada Raıymbek dańǵylynda jyldam tranzıt (BRT) jobasyna erekshe nazar aýdarylyp keledi. Bul rette jol boıynda avtobýstarǵa basymdyqty berý úshin eki jolaqty (joldyń ár jaǵynan bir-birden) tolyǵymen qoǵamdyq kólikke berý, arnaıy baǵdarshamdar men retteletin jaıaý júrginshiler ótkelderin ornatý josparlanyp otyr. Qurylys-montaj jumystary kelesi jyldyń ekinshi jartyjyldyǵyna josparlanyp otyr.