Almatyda qoǵamdyq kólik júrgizýshisin pyshaqpen qorqytqan er adam ustaldy

<p>ALMATY. KAZINFORM &ndash; Almatyda qoǵamdyq kólik júrgizýshisin qorqytqan buzaqy qolǵa tústi. Qalalyq Polıtsııa departamentiniń málimetinshe, bul derek áleýmettik jelilerge júrgizilgen monıtorıng barysynda anyqtaldy.</p>

«Kýágerlerdiń vıdeosynda er adamnyń áýeli avtobýstyń esigin teýip, sosyn pyshaq sııaqty kóringen zatty siltep, júrgizýshini qorqytqany kórinedi. Atalǵan jaǵdaı Nazarbaev pen Raıymbek dańǵyldarynyń qıylysyndaǵy qoǵamdyq kólikterdiń sońǵy aıaldamasynda bolǵandyǵy belgili boldy. Osy qylmysty ashý jáne onyń obektıvti mán-jaılaryn anyqtaý úshin qalanyń beınebaqylaý júıelerine taldaý júrgizilip, nátıjesinde qylmysqa qatysy bar adam anyqtaldy», - dedi Jetisý aýdandyq polıtsııa basqarmasynyń bastyǵy, polıtsııa polkovnıgi Jánibek Shynasylov.

Kúdikti ustalyp, ýaqytsha ustaý ızolıatoryna qamaldy.

«Buzaqylyq deregi boıynsha qylmystyq is qozǵaldy. Tergeý barysynda kúdikti men avtobýs júrgizýshisi arasyndaǵy kıkiljiń aıaldama ornynda turǵan kólikke ótip bara jatqan adamnyń miný nıetinen týyndaǵany belgili boldy. Júrgizýshi oǵan eskertý aıtty, al ótip bara jatqan adam qurylys pyshaǵyn shyǵarǵan. Eshkim zardap shekken joq», - dedi Jánibek Shynasylov.

Osyǵan deıin Almatyda qoǵamdyq kólik júrgizýshisi men jolaýshy jol ústinde janjal shyǵarǵany týraly jazǵan edik.