Almatyda qyzylshaǵa qarsy 128 myńǵa jýyq adam vaktsına aldy

<p>ALMATY. KAZINFORM - Almatyda qyzylshamen aýyrý boıynsha turaqsyz epıdemıologııalyq jaǵdaı baıqalady. Bul týraly Almaty qalalyq sanıtarııalyq-epıdemıologııalyq baqylaý departamenti málim etti.</p>

Vedomstvonyń málimetinshe, Almatyda 2023 jyldyń naýryz aıynan bastap qyzylshanyń 4464 zerthanalyq rastalǵan jaǵdaıy tirkeldi. Onyń ishinde 14 jasqa deıingi balalar arasynda 3352 jaǵdaı (75,1%), 15 jastan 18 jasqa deıingi jasóspirimder arasynda — 169 (3,8%) jáne eresekter arasynda — 943 (21,1%).

«3352 balanyń 3212-i qyzylshaǵa qarsy egilmegen (95,8%), onyń ishinde vaktsınatsııadan bas tartý sebebinen — 2239 (69,7%), medıtsınalyq qarsy kórsetilimder — 438 (13,6%), jáne 528 (16,4%) jaǵdaıda egý jasyna jetpegen. Qyzylshany juqtyrýdan, sondaı-aq olardyń asqynýynan aldyn alatyn jalǵyz tıimdi qural tek vaktsınatsııa bolyp tabylady. Almatyda qyzylshaǵa qarsy josparly vaktsınatsııa 2 ret, birinshisi — 1 jasta (12-15 aı), ekinshisi — 6 jasta júrgiziledi, bul vaktsınatsııadan keıingi ımmýnıtetti damytýǵa múmkindik beredi», — dep habarlady vedomstvoda.

Aıta keteıik, 2023 jyldyń 10 qarashasy men 2024 jyldyń 15 qańtary aralyǵynda qalada qyzylshaǵa qarsy barlyǵy 127 810 adam vaktsına aldy. qamtyldy. Onyń ishinde 6 aıdan bastap 10 aı 29 kúnge deıingi 9092 bala, 2 jastan 4 jasqa deıingi 58 581 bala, medıtsına qyzmetkerleri 8676 jáne basqa jastaǵy buryn qyzylshaǵa qarsy josparly ekpe almaǵan (vaktsınatsııa kýrsy tolyq emes) tolyqtyra ımmýndaý boıynsha 51 461 bala bar.