Almatyda qyzylsha juqtyrǵandardyń sany 3 200-den asty

<p>ALMATY. KAZINFORM &ndash; Almatyda jyl basynan beri 3 289 adam qyzylshamen aýyrǵan. Degenmen, Almaty qalasynyń sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova qalada qyzylsha aýrýynyń epıdemıologııalyq jaǵdaıy turaqtalyp kele jatqanyn aıtady.&nbsp;</p>

– Bıyl naýryz aıynan bastap syrqat juǵýynyń tómendeý úrdisi baıqalady. 24 shildeni qosa alǵanda bıyl qyzylshanyń 3 289 rastalǵan jaǵdaıy tirkeldi, onyń ishinde 14 jasqa deıingi balalar arasynda 2 034 jaǵdaı (61,8%), 15 jastan 18 jasqa deıingi jasóspirimder arasynda – 168 jaǵdaı (5,1%) jáne eresekter arasynda – 1 087 jaǵdaı (33%). Balalar arasyndaǵy aýrýshańdyqtyń sebebi – negizinen vaktsınatsııadan bas tartý, - dedi Ásel Qalyqova. 

Almaty qalasynyń sanıtarııalyq-epıdemıologııalyq baqylaý departamentiniń málimetine sáıkes, 2023 jylǵy 10 qarasha men 2024 jylǵy 24 shildeniń aralyǵynda qalada qyzylsha, qyzamyq, parotıtke qarsy qosymsha jappaı ımmýndaý sheńberinde barlyǵy 162 986 adam qamtylǵan. Onyń ishinde 6 aıdan bastap 10 aı 29 kúnge deıingi 13 214 bala, 2 jastan 4 jasqa deıingi balalar – 80 042, medıtsına qyzmetkerleri – 8676 jáne basqa jastaǵy buryn qyzylshaǵa qarsy josparly ekpe almaǵan (vaktsınatsııa kýrsy tolyq emes) tolyqtyra ımmýndaý boıynsha 61 054 bala. 

Aıta ketken jón, vaktsınatsııa turǵylyqty jeri boıynsha qalanyń emhanalarynyń barlyq egý kabınetterinde tegin júrgiziledi.