Almatyda qyzdy pyshaqpen qorqytyp zorlaǵan bar kúzetshisi sottaldy

<p>ALMATY. KAZINFORM &ndash; Almaly aýdandyq sotynda qyzdy pyshaqpen qorqytyp, zorlady dep aıyptalǵan K-ǵa katysty qylmystyq is qaraldy. Sot otyrysy jabyq ótti.</p>

Sottalýshyǵa 2 epızod boıynsha qylmystyq quqyq buzýshylyq jasady degen aıyp taǵyldy.

«2023 jyldyń 7 tamyzyna qaraǵan túni, sottalýshy K. qalanyń kóńil kóterý oryndarynyń birinde kúzetshi bolyp jumys isteı otyryp, sol túni mekemege kelgen jábirlenýshi P-men tanysqan. Keıin sotalýshy jábirlenýshiniń senimine kirip, úıine deıin shyǵaryp salýdy usynǵan. Úıdiń kireberisine kirgen soń sottalýshy bákisin shyǵaryp jábirlenýshini óltirem dep qorqytyp, zorlaǵan» dep habarlady sottyń baspasóz qyzmeti.

Sondaı-aq sot sottalýshy K-nyń materıaldyq jaǵdaıyn jaqsartý úshin taǵy bir qylmys jasaýǵa umtylǵanyn anyqtady.

«2023 jyldyń 9 qarashasynda tańerteń sottalýshy K. túngi klýbqa kelip, kirer esik aldynda eki jas jigittiń janjalyn kóredi. Keıin jábirlenýshige jaqyndap, betinen uryp, qaltasynan baǵaly zattaryn shyǵarýyn suraıdy. Jábirlenýshi uıaly telefony men aqshasyn beredi» dep atap ótti vedomstvodan.

Sottalýshynyń kinási qylmystyq is materıaldarymen, saraptama qorytyndysymen, kýálardyń aıǵaqtarymen dáleldendi.

Sot úkimimen sottalýshy K. kináli dep tanylyp, oǵan 8 jyl 1 aı bas bostandyǵynan aıyrý jazasyn taǵaıyndaldy.