Almatyda Qytaıdyń Changan, Chery, Haval markaly avtokólikteri shyǵaryla bastaıdy

<p>Almatyda eki jańa avtozaýytty iske qosý josparlanǵan. Bul týraly Almaty qalasynyń kásipkerlik jáne ınvestıtsııalar basqarmasy málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Vedomstvonyń málimetinshe, Almatyda keminde 220 myń avtoóndirisi bar avtoklasterdi qalyptastyrý sheńberinde jobalyq qýaty 170 myń avtomobılge deıingi 2 jańa avtozaýytty iske qosý josparlanyp otyr. Joba aıasynda qytaılyq Changan, Chery, Haval brendteriniń mýltıbrendtik zaýyty jylyna 90 myń avto jáne Orbis Manufacturing zaýyty jylyna 80 myń avto qurastyrmaq.

Sondaı-aq Almatyda ekonomıkany sapaly damytý maqsatynda jyl saıyn 10% deńgeıdegi ósimmen ınvestıtsııa tartý josparlanyp otyr. Bul rette ınvestıtsııa kólemi 2024 jyly 1,8 trln teńge, 2025 jyly 2,1 trln teńgege jetpek. 

Foto: Almaty ákimdigi

Sonymen qatar Almaty qalasynyń ındýstrııalyq aımaǵyn 194 gektarǵa keńeıtý 2025-2026 jyldary 230 mlrd teńge somasyna qosymsha 7 iri jobany iske asyrýǵa múmkindik beredi. 

Foto: Almaty ákimdigi

«Osy sharalardyń arqasynda qala ekonomıkasynyń ósýi 2024 jyly 5,5% deńgeıinde, 2025 jyly 6,5%-ǵa deıin ósýin jedeldete túsedi dep kútiledi», - dep habarlady qalalyq kásipkerlik jáne ınvestıtsııalar basqarmasynda.