Almatyda qysqy maýsymǵa daıyndyq jumystary qalaı júrip jatyr
«Almatyda qysqy kezeńde qalaǵa qyzmet kórsetý úshin 918 birlik tehnıka bar, joldar men trotýarlardy tazartýǵa 1 400 jol jumysshysy tartylýy múmkin. Qazirgi ýaqytta jalpy uzyndyǵy 2,7 myń km asatyn 2318 kóshede sanıtarlyq tazalaý jumystary júrgizilip jatyr», - dep habarlady basqarmadan.
Kúndizgi ýaqytta qala kóshelerin tazalaýǵa shamamen 600 tehnıka men 800 jol jumysshy jumyldyrylady. Al,túngi aýysymda 220 birlik tehnıka jáne 250 adam tartylmaq.
«10 merdiger uıym qysqy kezeńde daıyndyq jumystaryn aıaqtady. Óndiristik bazalar, arnaıy tehnıka, júrgizýshiler men jol jumysshylaryna arnalǵan demalys bólmeleri, kóktaıǵaqqa qarsy jáne janar-jaǵarmaı materıaldaryn, qosalqy bólshekterdi, qajet quraldaryn, qysqy arnaıy kıimderdi satyp alý, qysqy jabdyqtar jıyntyǵyn ornatýmen barlyq maýsymdyq tehnıkany qaıta jaraqtandyrý, sondaı-aq qar úıindileriniń ornalasý oryndaryn kelisý jáne taǵy basqalary»,-delingen habarlamada.
Budan bólek,«Almaty Tazalyq» MKK avtoparkin jańartý úshin 22 mamandandyrylǵan tehnıka satyp alyndy. Taǵy 10 birlik jyl sońyna deıin jetkiziledi.
«Qalyń qar jaýǵan jaǵdaıda qalanyń qurylys uıymdary qosymsha 150-ge deıin samosvaldar men tıegishterdi, sondaı-aq jumysshy sanyn 1000-ǵa deıin jetkizedi»,- dep atap ótti basqarmadan.
Buǵan deıin habarlanǵandaı, aldaǵy 3 táýlikte kún jylynady.