Almatyda qyrkúıekke deıin taǵy bir kóshede kólik qozǵalysy shekteledi
«Almaty jylý jelileri» jaýaprkershiligi shekteýli seriktestiginiń málimetinshe, 20 maýsymy men 15 qyrkúıegi aralyǵynda Almaty qalasynyń Túrksib aýdanynda Spasskaıa kóshesinde Bekmahanov kóshesinen bastap Ýrıtskıı kóshesi, Vorovskıı kóshesine deıin kólik qozǵalysy shekteledi.
Eki baǵytta da kólik qozǵalysy jabylady.
«Ýaqytsha shekteýler 1983 jyldan beri paıdalanylyp kele jatqan jalpy uzyndyǵy 1804,6 metr bolatyn, atalǵan kóshe astynan ótetin qubyrdy jańǵyrtý ýchaskesinde josparly jumystardy júrgizý qaýipsizdigin qamtamasyz etý úshin engizilmek », — dep túsindirdi «Almaty jylý jelileri» JShS.
Bul qubyr 22 kóppáterli turǵyn úıdi, 1 balabaqsha men 1 bilim berý nysanyn jylýmen jáne ystyq sýmen qamtamasyz etedi.
Atalǵan aýmaqtaǵy tutynýshylarǵa rekonstrýktsııa kezinde ystyq sý berý toqtatylmaıdy.
Buǵan deıin Almatyda Maqataev jáne Júrgenov kósheleriniń 3 aıǵa jabylatyny týraly jazǵan edik.
Aıta keteıik, bıyl megapolıste uzyndyǵy 250 shaqyrym bolatyn 274 kóshege ortasha jóndeý jumystaryn júrgizý josparlanǵan.