Almatyda qylmys deńgeıi 9,6 % tómendedi

<p>ALMATY. KAZINFORM &ndash; Almatyda qylmystyq ahýal turaqty. Bul týraly qalalyq qoǵamdyq keńes otyrysynda polıtsııa departamentiniń bastyǵy, polıtsııa general-maıory Arystanǵanı Zapparov aıtty.</p>

Onyń aıtýynsha, jyl basynan beri qalada qylmys -9,6%-ǵa tómendegen.

Aýyr qylmystar - 3%, zorlaý - 12,5%, bótenniń múlkin urlaý -31,6%, ınternet-alaıaqtyq -14,5%, tonaý- 28,7, bopsalaý 8,3%, sondaı-aq kámeletke tolmaǵandar jasaǵan qylmystar azaıǵan.

«Almaty polıtsııasynyń qyzmeti Memleket basshysy Qasym-Jomart Toqaev bergen tapsyrmalardy oryndaýǵa, sondaı-aq barlyq saladaǵy qyzmetti jaqsartýǵa baǵyttalǵan. Jalpy alǵanda, qaladaǵy qylmystyq ahýal turaqty jáne baqylaýda: qylmystardy ashýdyń tıimdiligi, onyń ishinde «izin sýytpaı» ashýdyń tıimdiligi artty», - dedi, Almaty qalalyq polıtsııa departamentiniń basshysy.

Osyǵan deıin, ol almatylyqtardyń 12 mlrd teńgege aldaǵany týraly aıtqan bolatyn.