Almatyda kezekte turǵan taǵy 86 adam baspanaly boldy

<p>ALMATY. KAZINFORM - &laquo;Medeu city&raquo; turǵyn úı kesheninde ornalasqan 20 úıden halyqtyń áleýmettik osal tobyna jatatyn 86 almatylyqqa páter kilti tabystaldy.</p>

Almatyda qonys toıy jalǵasyp otyr.

Foto: Almaty ákimdigi

«Almaty qalasynyń ákimi Erbolat Dosaevtyń tapsyrmasymen 2024 jyly halyqtyń áleýmettik osal tobynyń tizimi boıynsha kezekte turǵan azamattarǵa kezektilik tártibimen qalanyń kommýnaldyq turǵyn úı qorynan eki myń jalǵa beriletin páter berý josparlanǵan, onyń 400-i jetim balalarǵa beriledi. Sondaı-aq, páterlerdi basqa adamdarǵa jalǵa berýge jáne qaıta josparlaýǵa bolmaıdy», - dedi Almaty qalasy kommýnaldyq ınfraqurylymdy damytý basqarmasy basshysynyń orynbasary Ǵalymjan Ábdishúkiruly.

Aıtýynsha, megapolıste jaqyn arada taǵy júzdegen turǵyn baspanaly bolady.

Páter alǵandardyń qýanǵandary sonshalyq, emotsııalaryn jasyra almady. Solardyń biri úsh uldyń anasy Aıman Nurtaeva.

«Men óte rızamyn, qýanyshtymyn. Bul kúndi uzaq kúttik, 2011 jyly kezekke turdyq. Biz úshin bul úlken qoldaý», - dedi Almaty qalasynyń turǵyny Aıman Nurtaeva.

Esterińizge sala keteıik, bıyl 25 mamyrda alǵashqy 124 kezekte turǵandarǵa jańa páterlerdiń kilti tabystaldy.

Al, 28 mamyrda bul tizimge taǵy 164 adam qosyldy.

30 mamyr kúni kezekte turǵan 105 jan baspanaly boldy.