Almatyda Qazybek bı kóshesi ýaqytsha jabylady

<p>ALMATY. KAZINFORM &ndash; Qazybek bı kóshesiniń bir bóliginde jylý jelilerinde jóndeý jumystary júrgizilýine baılanysty qozǵalys shekteledi.</p>

«Almaty jylý jelileri» mekemesiniń málimetinshe, 11 qazan saǵat 13:00-den 12 qazan saǵat 13:00-ge deıin Almatynyń Medeý aýdanynda Nazarbaev dańǵylynan Tólebaev kóshesine deıingi Qazybek bı kóshesinde kólik qozǵalysy eki jaqqa da jabylady.

«Magıstraldyq qubyr jelisinde jóndeý jumystaryn júrgizýde qaýipsizdikti qamtamasyz etý úshin ýaqytsha shekteý engiziledi. Ýaqytsha qolaısyzdyq úshin keshirim suraımyz jáne túsinistikpen qaraýdy ótinemiz», - dep «Almaty jylý jelileri» JShS.

Osyǵan deıin aýylsharýashylyǵy jármeńkesin ótkizýge baılanysty Ýálıhanov kóshesinen Dostyq dańǵylyna deıingi ýchaskedegi Sátbaev kóshesiniń bir bóligi 11 qazan saǵat 20:00-den 13 qazan saǵat 20:00-ge deıin jabylatyny týraly jazǵan edik.