Almatyda qaıtys bolǵan qaraqalpaq dıasporasynyń jetekshisi Ózbekstanda jerlenedi

<p>Mańǵystaý oblysyndaǵy qaraqalpaq dıasporasynyń jetekshisi Nıetbaı Orazbaev Almatydaǵy emhanalardyń birinde qaıtys boldy, dep habarlaıdy <a href="Kazinform" target="_blank" rel="noopener">Kazinform.</a></p>

Bul týraly Qaraqalpaq dıasporasynyń Qazaqstandaǵy ókili Aqylbek Muratbaı Kazinform tilshisine málimdedi.

«Nıetbaı Orazbaev altynshy jeltoqsan kúni Aqtaýdan Almatyǵa kelgen edi. Birden telefonyn óshirip qoıdy. Sebebi sońǵy jyldary úreıde júrdi. Oǵan týǵan jerindegi saıası jaǵdaı sebep bolǵan. 2024 jyldyń 3-shi qańtarda densaýlyǵy kúrt nasharlap, dárigerlerdiń kómegine júgindi. Juma kúni Almatydaǵy kópbeıindi aýrýhananyń jansaqtaý bólimine túsip, sonda jatty. Jeksenbide jalpy palataǵa shyǵarylyp, dárigerler ókpege jınalǵan sýyn aldy. Sońǵy ret keshe tańerteń sóılestik. Bári jaqsy sııaqty edi», - dedi Aqylbek Muratbaı.

Sondaı-aq ol Nıetbaı Orazbaevtyń máıiti týǵan jerine jerlenetinin jetkizdi.

«Toǵyzynshy qańtar kúni Almatydaǵy máıithanadan múrdeni alyp, keshki ushaq reısinen Aqtaýǵa salyp jiberdik. Marqumnyń janazasy Aqtaýda shyǵarylady. Sebebi, Qaraqalpaqstanda onyń janazasyn shyǵarýǵa ruqsat berilmedi. Sol úshin jaqyndarymen aqyldasa kele osyndaı sheshim qabyldadyq. 2 kúnnen soń Qaraqalpaqstannyń Qojeli qalasynda jerlenedi», - dedi A.Muratbaı.