Almatyda qatty turmystyq qaldyqtardy jınaýǵa arnalǵan konteınerler ornatyldy
14:16, 16 Qarasha 2023
<p>Almaty qalasynyń ekologııa jáne qorshaǵan orta basqarmasy tereńdetilgen úlgidegi qatty turmystyq qaldyqtardy (QTQ) jınaýǵa arnalǵan konteınerlerdi aýystyrý boıynsha jumystar júrgizýde. Búginde megapolıstiń Áýezov, Bostandyq, Naýryzbaı aýdandarynda 214 jańa konteıner ornatyldy.</p>
3 tekshe metrlik bul konteınerler qoldanýǵa yńǵaıly, estetıkalyq kelbetke ıe, kez kelgen klımatqa beıimdelgen. Tyǵyz jabylatyn qaqpaqtyń arqasynda jańbyr men qardyń ishke enýi, qaldyqtardyń jınaqtalýy, jaǵymsyz ıistiń taralýy múmkin emes. Eń bastysy, mundaı ýrnalarǵa qustar men janýarlar jolamaıdy.
Eske salsaq, Almatyda tereńdetilgen konteınerler alǵash ret 2012 jyly ornatyldy. Alǵashqy úlgiler qorǵanysh jabyny joq qara metaldan jasaldy. Uzaq paıdalaný saldarynan mundaı konteınerler korrozııaǵa ushyrady ári jaısyz jaǵdaılardyń bolýy múmkindigin týdyrdy (QTQ túsirý kezinde qoqys shyǵaratyn uıymdardyń qyzmetkerleriniń jaraqat alýy, aýlalardyń sanıtarlyq jaǵdaıynyń nasharlaýy jáne t.b.) jáne olardy aýystyrý qajet boldy.