Almatyda kásipkerlerge arnalǵan Almaty Business portaly iske qosylady

<p>ALMATY. KAZINFORM &ndash; Almaty qalasynyń &laquo;Atameken&raquo; óńirlik kásipkerler palatasynyń dırektory Nursultan Shoqanov ÓKQ brıfınginde megapolıs kásipkerleri úshin &laquo;Almaty Business&raquo; jobasy ázirlenip jatqanyn jetkizdi.</p>

Nursultan Shoqanovtyń aıtýynsha, «Almaty Business» – bul Óńirlik palata bıyl júzege asyryp jatqan biregeı joba. 

«Almaty Business portaly qurylýda. Oǵan 4 negizgi komponent kiredi: bızneske arnalǵan onlaın-qyzmet, oqytý, saýalnamalar jáne saraptama. Onda biz kásipkerlikti damytý maqsatynda bıznestiń paıdasy úshin barlyq tsıfrlyq ázirlemelerdi shoǵyrlandyrýǵa tyrysamyz. Munyń bárin biz qalany damytýdyń basymdyqtaryna baılanysty jasaımyz», - dedi ol. 

Almaty qalasy ÓKP dırektory kásipkerlerge arnalǵan portalda 30 jýyq onlaın-qyzmet bolatynyn atap ótti. Sondaı-aq portalda 2 myńǵa jýyq kásipkerden turaqty túrde saýalnama júrgiziledi. Saýalnamaǵa qatysýshylardy 2026 jylǵa qaraı 7 myńǵa jetkizý josparlanǵan.

Sonymen qatar Almaty Business jobasy aıasynda 6 myńǵa jýyq kásipker oqytylady. 

Eske salaıyq, buǵan deıin Almaty kásipkerleri jyl basynan beri 2 trln teńgege jýyq salyq tólegenin jazǵan edik.