Almatyda «karsherıng» júrgizýshisi birden 6 kólikti soqty

<p><span style="font-family: sans-serif; font-size: 18px;">Almatyda iri jol apatynan tórt adam zardap shekti, dep habarlaıdy QazAqparat tilshisi.</span></p>

Jol apaty bolǵan jerden túsirilgen vıdeo áleýmettik jelide tarady. 

«Karsherıng júrgizýshisi Abaı dańǵylynyń Ótegen batyr men Altynsarın kósheleriniń arasynda iri jol apatyn jasady», — delinedi vıdeoda.

Almaty qalalyq polıtsııa departamentiniń málimetinshe, 22 qyrkúıek túngi 00:10-de Abaı dańǵylymen batys baǵytta «Volkswagen» avtokóligin júrgizip kele jatqan 2004 jyly týǵan K. esimdi júrgizýshi turaqta turǵan alty kólikti soqqan.

«Jol apaty saldarynan tórt adam zardap shekti. Olar aýrýhanaǵa jetkizildi. Jol apatyn Áýezov aýdandyq polıtsııa basqarmasy óndiriske qabyldady», — dep habarlady qalalyq polıtsııa departamentiniń baspasóz qyzmeti.