Almatyda qaraýsyz qalǵan ýchaskelerde jańa demalys oryndary paıda boldy

<p>ALMATY. KAZINFORM &ndash; Túrksib aýdanynda Qarasý ózeniniń arnasyn abattandyrý jáne Tashtıtov kóshesinde jańa demalys aımaǵynyń qurylysy aıaqtaldy.&nbsp;</p>

Qala ákimdiginen málim etkendeı, buryn bul ýchaske qaraýsyz qalǵan bolatyn. «Halyqqa qatysatyn bıýdjet» baǵdarlamasynyń arqasynda jańa qoǵamdyq keńistik quryldy.

Foto: Almaty ákimdigi

Joba boıynsha sý tasqynynyń aldyn alý maqsatynda eńisti nyǵaıtý úshin gabıon konstrýktsııalaryn jaılastyrý, turǵyndardyń qaýipsizdigi úshin ózen arnasy boıynda qorshaýlar, kóshe jaryqtandyrý jelileri jáne uzyndyǵy 400 metr serýendeý aımaǵyn ornatý boıynsha keshendi jumystar júrgizildi.

Turǵyndardyń bos ýaqyttaryn jaıly ótkizýleri úshin balalar men sport alańdary, jaıaý júrginshiler alleıasy boıyndaǵy oryndyqtar men qoqys jáshikter qoıyldy. Gazondar avtojýý qondyrǵysymen kógaldar sýaryldy.

Foto: Almaty ákimdigi

Taǵy bir bos ýchaske Krasnogoroskaıa kóshesindegi Saǵadat Nurmaǵambetov atyndaǵy Qurlyq áskerleri Áskerı ınstıtýtynyń janynda ornalasqan. Endi munda uzyndyǵy 300 metr bolatyn jańa serýendeý aımaǵy paıda boldy.

Foto: Almaty ákimdigi

Qurylǵan nysandar «Halyqqa qatysatyn bıýdjet» aıasynda turǵyndar qoldaǵan 52 jobanyń biri boldy. Bıyl atalǵan baǵdarlamaǵa bólinetin qarjy 2 mlrd teńgege deıin ulǵaıtyldy.

Eske salaıyq, byltyr Qarasý kóliniń tabany alǵash ret tazartylǵan bolatyn.