Almatyda Qarasaı batyr kóshesi jóndeýge jabylady

<p>ALMATY. KAZINFORM &ndash; Almatyda jóndeý jumystaryna baılanysty Qarasaı batyr kóshesindegi jol ýchaskesi jabylady.</p>

Málim etilgendeı, Qarasaı batyr kóshesiniń Sháripov kóshesinen Muqanov kóshesine deıingi aralyǵyndaǵy jolǵa ortasha jóndeý júrgiziledi. Osyǵan baılanysty 23 -25 shilde kúnderi atalǵan ýchaskelerde kólik qozǵalysy tolyǵymen toqtatylady.

Almaty turǵyndary men qonaqtary qala joldarynda keptelis týdyrmaý úshin qozǵalys baǵytyn aldyn ala josparlaýy qajet.

«Jóndeletin ýchaskede eskertý belgileri, merdiger uıym basshysynyń baılanys aqparaty jazylǵan stendter qoıylady», – dep habarlady ákimdikten.

Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS pen «ıAndeks kartalar» servısterinde jazylǵan.