Almatyda qar shyǵarý máselesi erekshe baqylaýda – Erbolat Dosaev
11:41, 31 Qańtar 2024
<p>ALMATY. KAZINFORM – Almaly aýdanynyń turǵyndarymen kezdesý barysynda megapolıs basshysy qar shyǵarý jumystaryna qatysty túsinik berdi. </p>
«Biz algorıtmdi qaıta qarastyrdyq. Qar shyǵarý barysyn jaqsartý jumystary jalǵasyp jatyr. Bul máseleni kún saıyn ózim baqylap otyramyn», - dedi Erbolat Dosaev.
Esterińizge sala keteıik, búgin túnde Almatyda qar shyǵarý úshin 416 birlik arnaıy tehnıka men 268 jumysshy jumyldyryldy.
154 birlik shaǵyn kólemdi tehnıkanyń kúshimen trotýarlar men jalpy paıdalanylatyn oryndar mehanıkalandyrylǵan túrde tazalanyp, qoǵamdyq kólik aıaldamalary men jer ústi ótkelderinde qar qolmen kúreldi.
Aýdan ákimdikterinde jumysty baqylaý boıynsha táýlik boıy kezekshilik uıymdastyryldy.