Almatyda qar kóshkini júrý qaýpi bar

<p>ASTANA. KAZINFORM &ndash; &laquo;Qazgıdromet&raquo; mekemesiniń baspasóz hatshysy Alına Ysmaǵulova elimizdiń basym bóliginde atmosferalyq frontaldy bólikterdiń ótýine oraı kún raıy qubylmaly bolatynyn aıtty.</p>

Búgin túnde respýblıkanyń soltústiginde jaýyn-shashyn (jańbyr, qar) bolýy yqtımal. Tek ońtústik-shyǵysta, batys pen ońtústiktiń jekelegen aýdandarynda kún jaýyn-shashynsyz bolady. Respýblıka boıynsha ekpindi jel soǵyp, ońtústikte burqasyn, ońtústik-batysta shańdy daýyl soǵady, soltústik-batysta, soltústikte, shyǵysta tuman túsedi.

Alına Ysmaǵulovanyń aıtýynsha, túnde shyǵysta Soltústik Qazaqstan, Qaraǵandy, Shyǵys Qazaqstan oblystarynda, Aqmola oblysynyń soltústik-shyǵysynda 1-6 gradýs aıaz kútiledi.

Mańǵystaý oblysynyń basym bóliginde (soltústikte, shyǵysta, ońtústikte), Atyraýda (batysta, ońtústikte), Qyzylordanyń ortalyǵynda, Qaraǵandyda (soltústikte), Túrkistannyń ońtústik-batysynda, Aqtóbeniń ońtústiginde, Abaı oblysynyń shyǵysynda, Ulytaý oblysynyń ortalyǵynda joǵary órt qaýpi saqtalady.

Spıker Almatyda qar kóshkini qaýpi týraly eskertý jarııalanǵanyn aıtty.

«2024 jylǵy 2-6 mamyr aralyǵynda Almaty qalasynyń Úlken jáne Kishi ózenderi basseınderinde (2700 metrden joǵary bıiktik aımaǵynda) jaýyn-shashynnyń kóp túsýine, bıiktikte jáne qar jamylǵysynyń turaqsyz jaǵdaıyna baılanysty qar kóshkini qaýpi saqtalady. Qar kóshkininiń paıda bolý qaýpine baılanysty turǵyndardy qarly betkeılerge shyǵýdan bas tartýǵa shaqyramyz. Taýda saq bolyńyz», - dep qosty ol.