Almatyda qar kóshkini astynda qalǵan shańǵyshy qaza boldy
14:02, 16 Qazan 2023
<p>Almatyda «Tuıyq sý» muzdyǵynyń soltústik betkeıinde shańǵy teýip, qar kóshkinin týdyrǵan er adam qaza tapty, dep habarlaıdy Kazinform.</p>
«Belgili bolǵandaı, azamat R. men azamat K. «Tuıyq sý» muzdyǵynda shańǵy tepken. K. esimdi er adam shańǵymen tómen túsip, qar kóshkininiń astynda qalyp qoıǵan. Onyń denesin qar astynan dosy alyp shyqty», – dep habarlady Qutqarý qyzmetinen.
Qutqarý qyzmetiniń mamandary máıitti Shymbulaqqa túsirip, keıin Medeý aýdandyq polıtsııa basqarmasynyń jedel tobyna tapsyrdy. Ekinshi jábirlenýshiniń jaǵdaıy qanaǵattanarlyq. Oqıǵanyń jaı-japsary tergeý sharalarynan keıin naqtylanady.
Eske salaıyq, 15 qazan kúni keshki saǵat 17:20-da «109» qyzmetiniń qutqarýshylary «Tuıyq sý» muzdyǵynda zardap shekken adamdy túsirý úshin attanǵan bolatyn.