Almatyda qansha oqýshy papılloma vırýsyna qarsy vaktsına aldy

<p>ALMATY. KAZINFORM &ndash; 30 qyrkúıek pen 14 qańtar aralyǵynda Almaty mektepterinde 6000 -nan astam oqýshy qyzǵa adam papıllomasy vırýsyna qarsy ekpe salyndy. Bul týraly óńirlik kommýnıkatsııalar qyzmetinde ótken brıfıng barysynda onkolog Raıhan Bolatbekova aıtty.</p>

Almaty Onkologııalyq ortalyǵynyń onkogınekologııa bólimshesiniń meńgerýshisi Raıhan Bolatbekovanyń aıtýynsha, Qazaqstanda jatyr moıny obyryn skrınıngten ótkizýdiń ulttyq baǵdarlamasy bar, ol 30 jastan 70 jasqa deıingi áıelderge tsıtologııalyq zertteýdi paıdalana otyryp júrgiziledi.

– 2024 jyldyń qyrkúıeginen bastap mektepterde ata - analarynyń kelisimimen jasóspirim qyzdardy vaktsınalaý baǵdarlamasy bastaldy. 30 qyrkúıek pen 14 qańtar aralyǵynda megapolıs mektepterinde 6 myńnan astam jasóspirim qyz vaktsınatsııalandy, – deıdi dáriger.

Spıkerdiń sózinshe, jatyr moıny obyry (JMO) áıelder arasynda jıi kezdesetin onkologııalyq aýrýlardyń biri.

– Halyqaralyq qaterli isikterdi zertteý agenttiginiń málimetteri boıynsha, álemde 2020 jyly bul aýrýdyń 604 000 jańa jaǵdaıy tirkeldi, bul belsendi profılaktıkanyń qajettiligin kórsetedi. Respýblıkada JMO onkologııalyq aýrýlar boıynsha ekinshi orynda, jyl saıyn 2000-nan astam áıel aýrady. Almatyda 2024 jyly jatyr moıny obyrynyń 206 jaǵdaıy anyqtaldy. Aýrý negizinen reprodýktıvti jastaǵy áıelderge áser etedi, 40-44 jastaǵy áıelder arasynda kóbirek kezdesedi,–dedi Raıhan Bolatbekova

Onkologtar jatyr moıny obyrynyń damýynyń negizgi sebebi-adam papıllomavırýsy ekenin aıtady. Aýrýdyń 97% - y osy vırýspen baılanysty.

Osyǵan deıin elimizde 5 myńǵa jýyq jetkinshek APV-ǵa qarsy vaktsına alǵany týraly jazǵan edik. 

Eske salsaq, atalǵan qaýipti ınfektsııanyń taralý statıstıkasy qandaı, bul vırýs ne úshin qaýipti jáne nege ekpe alý qajettigine qatysty bizdiń agenttik sholý jasaǵan edi.Tolyǵyraq siltemege ótip, tanysýǵa bolady.