Almatyda kámeletke tolmaǵan eki balany kólik qaǵyp ketti

<p>ALMATY. KAZINFORM &ndash; Almatyda joldan júgirip ótpekshi bolǵan balalardy kólik qaǵyp ketti.</p>

Balalardyń qatysýymen bolǵan jol apatynyń vıdeosy áleýmettik jelige shyqty. Onda oqıǵa «Áıgerim» shaǵyn aýdanynda bolǵany jazylǵan. Sondaı-aq, jol apaty bolǵan jerde kóshe jaryǵynyń nashar bolǵany jazylǵan. 

Almaty qalalyq polıtsııa departamenti atalmysh jol apaty 22 aqpanda bolǵanyn habarlady.

«Oqıǵa Alataý aýdany «Áıgerim» shaǵyn aýdanynda boldy. Kóliktiń astyna kámeletke tolmaǵan eki bala tústi. Olarǵa medıtsınalyq kómek kórsetildi. Alataý aýdany polıtsııa basqarmasynyń qyzmetkerleri atalmysh jol apatyn óndiriske qabyldady», - dep habarlady qalalyq polıtsııa departamentiniń baspasóz qyzmeti.