Almatyda qalta urylary qolǵa tústi
Kúdiktiler qoǵamdyq kólikter men aıaldamalarda bógdeniń múlkin qoldy qylýdy kásip qylǵan.
– Kúdiktilerdiń arasynda 39 jastaǵy B.esimdi azamatsha da bar. Ol 64 jastaǵy tanysymen birge qylmys jasaǵan. iPhone telefonyn urlaǵan eki azamat Alataý aýdanynda ustaldy. Basqa kúdiktiler de ustaldy. Barlyq epızodtarda bóten adamdardyń mobıldi qurylǵylary kúdiktilerdiń nysanasyna aınaldy. Belgili bolǵandaı, áshkerelengen azamattar osyǵan uqsas qylmystar jasaǵany úshin buryn da sotty bolǵan. Olar qamaýǵa alyndy, – dedi Almaty qalalyq polıtsııa departamenti bastyǵynyń orynbasarynyń mindetin atqarýshy Qýatbek Naýatov.
Sondaı-aq ótken jyly Almaty polıtsııasy bótenniń múlkin urlaǵan 3 myń 079 adamdy ustaǵanyn, qoǵamdyq oryndarda (saýda ortalyqtary, bazarlar, qoımalar, kompıýterlik klýbtar jáne t.b.) jeke múlkin urlaǵan 119 toptyń qylmystyq áreketiniń jolyn keskenin eske salady. Qazaqstan QR QK-niń 201 babyna sáıkes ózge aqparat tergeý múddesine oraı jarııa etilmeıdi.
QR Konstıtýtsııasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.