Almatyda qalqansha beziniń túıinderin alyp tastaýdyń jańa ádisi qoldanylmaq

<p>ALMATY. KAZINFORM &ndash; Kardıologııa jáne ishki aýrýlar ǵylymı-zertteý ınstıtýtynda qalqansha beziniń qatersiz túıinderin hırýrgııalyq emes emdeý-radıojıilikti ablıatsııa alǵash ret engiziledi.&nbsp;</p>

Ǵylymı-zertteý ınstıtýtynyń baspasóz qyzmeti málim etkendeı, Túrkistan jáne Jambyl oblysynan kelgen eki naýqasqa az ınvazıvti operatsııa jasalady. Eki naýqasqa da ýytty emes bir túıindi zob dıagnozy qoıylǵan.

«Qalqansha beziniń qatersiz túıinderin emdeýdiń biregeı, az ınvazıvti ádisi – radıojıilikti ablatsııany engizý bizdiń patsıentterge hırýrgııalyq aralasýsyz qalqansha beziniń túıindik túzilimderinen arylýǵa, ómir súrý sapasyn jaqsartýǵa múmkindik beredi», - deıdi ǴZI Basqarma tóraǵasy Marat Pashımov.

Az ınvazıvti operatsııa jasaýǵa almatylyq dárigerlerge Astana qalasynan ınterventsııalyq onkoradıolog Nııaz Malaev kómektesedi.

«Radıojıilikti ablatsııa – isik tinine áser etýdiń zamanaýı ádisteriniń biri. Onyń maqsaty - isikti tolyǵymen joıý, osy áserdiń nátıjesinde qalqansha bez túıinderiniń patologııalyq jasýshalary joıylady, bezdiń saý tinderine zaqym kelmeıdi», - dep atap ótti Nııaz Malaev.

Dárigerdiń aıtýynsha, osy ýaqytqa deıin Qazaqstanda qalqansha beziniń qatersiz túıindik isikterin hırýrgııalyq alyp tastaýdy qamtıtyn standartty terapııa qoldanylǵan.

Bul ádistiń artyqshylyǵy – az ınvazıvtilik jáne protsedýranyń qysqa merzimdiligi, jaqsy terapııalyq áser jáne asqynýlardyń bolmaýy. Aldaǵy ýaqytta ǵylymı-zertteý ınstıtýtynda mamandar daıarlaýdy jáne kórsetkishter men qarsy kórsetilimderdi eskere otyryp, qalqansha beziniń qatersiz túzilimderin radıojıilikti ablıatsııa júrgizýdi josparlap otyr.