Almatyda qalanyń tarıhı kelbetin saqtaý úshin turǵyn úılerdiń qasbeti jóndelip jatyr

<p>Almaly aýdanynyń ákimi Aıdar Jákibaev óńirlik kommýnıkatsııalar qyzmeti alańynda BAQ ókilderimen kezdesip, 10 aı ishinde atqarylǵan jumystar jóninde baıandady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Aýdan ákimi aldymen elektr jelisi, sý, jylýmen qamtý boıynsha aýdanda bar máselelerdi atap ótti.

«Aýdandaǵy elektr jelileriniń uzyndyǵy – 1078,4 shaqyrymdy quraıdy. Jyl basynan beri elektr jelilerinde 320 apat boldy. Búgingi tańda elektr jelileriniń tozý kórsetkishi 81%-dy quraıdy, ol 873,54 shaqyrym. «Alataý Jaryq Kompanııasy» AQ-nyń kúshimen bıyl 10kV 50 shaqyrym kabeldik jelini qaıta jańartý, 26 TP jáne 1 RP jańǵyrtý jumystary júrgizildi. «Almaty Sý» ShJQ MKK balansyndaǵy sý qubyry jelileriniń uzyndyǵy 350 shaqyrymdy quraıdy. Sý qubyry jelileriniń tozýy 72,5 % (253 shaqyrym) quraıdy. Jyl basynan beri 130 apat boldyn. «Almaty Sý» MKK kúshterimen bıyl 4 ýchaskede 1,9 shaqyrym jelini qaıta jańartý jumystary júrgizildi. Aıtý kerek, aýdan halqy 100% sýmen jabdyqtaý júıesimen qamtamasyz etilgen», - dedi spıker.

Onyń sózinshe sondaı-aq jylýmen jabdyqtaý júıesimen aýdanda 1395 kópqabatty turǵyn úı qamtylǵan. Jylý jelileri boıynsha tozý 62,1%-dy quraıdy, uzyndyǵy 162 shaqyrym.

Jeke turǵyn úı qurylysy (JTQ) boıynsha aýdanda 3495, onyń ishinde 403-i ortalyq jylytylatyn, 3029-y gazben jáne 63 úı qatty otynmen jylytylady, bul 98,2 % quraıdy. Jylý jelileriniń uzyndyǵy 261,5 shaqyrym. Jyl basynan beri 380 apat boldy.

Sonymen qatar, bıyl Bógenbaı batyr kóshesi boıynda (Baıtursynov pen Naýryzbaı batyr kósheleriniń arasy) 400 m jylý jelilerin qaıta jańartý jumystary júrgizildi. Qosymsha 16 mekenjaı boıynsha josparly jumystar aıaqtaldy.

Aýdanda sý burý jáne sýmen jabdyqtaý júıesiniń sorǵy stantsııalaryn jóndeý jumystary júrip jatyr.

«Tóle bı, Áýezov, Áıteke bı, Áıtıev kósheleriniń alańynda negizgi sýmen jabdyqtaý sorǵysynyń isten shyǵýyna baılanysty apatty jaǵdaı qalyptasty. Bul sorǵy 553-ten astam abonentti (12 kóppáterli turǵyn úı) sýmen qamtamasyz etedi. Jóndeý jumystary 1997 jyldan beri júrgizilmegen, nysan 2018 jyly ıesiz dep tanylyp, Almaty qalasynyń ákimdigi energetıka jáne sýmen jabdyqtaý basqarmasynyń balansyna bergen. Mundaı jaǵdaı «Panorama» turǵyn úı kesheninde de boldy. Qazirgi ýaqytta «tehnogendik sıpattaǵy tótenshe jaǵdaıdy joıý jáne avarııalyq-qalpyna keltirý jumystary» sheńberinde osy problemany joıý boıynsha jumystar bastaldy. Jumystar bıyl 20 jeltoqsanǵa deıin aıaqtalady», - deıdi Aıdar Jákibaev. 

Kósheni jaryqtandyrý boıynsha aýdanda eki myńnan astam sham aýystyryldy.

«Almaly aýdany ákiminiń apparaty «Almaty Qala Jaryq» MKQK-men shart jasasty. Bıyl tamyz aıynan beri 2391 sham jáne 18 shaqyrym kabeldik jeli aýystyryldy. Sondaı-aq qarasha aıyna josparlanǵan jumystar aıaqtalýda, onyń ishinde 4 kóshede (Qazybek bı, Áıteke bı, Jambyl, Abaı) jaryqdıodty shamdardy aýystyrý jumystary júrgizilýde. Jeltoqsan aıynyń sońyna deıin taǵy 3 kóshede (Qarasaı batyr, Qurmanǵazy, Abylaı han) jumys isteımiz», - dedi aýdan ákimi.

Foto: Almaty ákimdigi

Búgingi kúni qalanyń ortalyǵynyń tarıhı kelbetin saqtaý úshin turǵyn úılerdiń qasbetteri jóndelip jatyr.

«Almatynyń negizgi jáne qosalqy kósheleriniń sáýlettik ansamblin saqtaý úshin turǵyn úılerdiń bastapqy kelbetin qaıtaryp jatyrmyz. Arhıtektýralyq shýdy azaıtyp, syrtqy kondıtsıonerlerdi arnaıy tekstýraly tormen jasyramyz. Bul jumystardyń arqasynda sońǵy jyldary 170-ke jýyq úı burynǵy qalpyna keltirildi. Qasbetterdi qaıta salý men jóndeý úshin úılerdi tańdaǵan kezde biz olardyń jaǵdaıyn ǵana emes, tarıhı qundylyǵyn da eskeremiz. Aǵymdaǵy jóndeýge barlyǵy 47 qasbet boıynsha jumystar kirdi. Búgingi tańda 44 qasbet boıynsha jumystar aıaqtaldy. 3 qasbet boıynsha jumystar júrip jatyr. Olar Jarokova k-si, 4, 10 úıleri jáne Shevchenko, 162 úı», - dedi spıker.

Aýdan ákiminiń málimetinshe, aýdanda 25 magıstraldi kóshege 1500-den astam qoqys jáshikterin ornatý jumystary júrip jatyr. Trotýarlardy jóndeý aıasynda bıyl 14 meken-jaı boıynsha 6,1 shaqyrym trotýardy qaıta jańartý jáne salý jumystary júrdi.

«Aýdan aýmaǵynda 170 shaqyrymnan asatyn 110 kóshe bar, onyń ishinde magıstraldyq mańyzy bar 35 kóshe, aýdandyq mańyzy bar 30 kóshe, jergilikti mańyzy bar 45 kóshe. Jol qozǵalysyna qatysýshylardyń qaýipsizdigin qamtamasyz etý maqsatynda aǵymdaǵy jóndeý jumystary eki kezeńde 29 myń sharshy metr joldy qamtýda. Qazirgi ýaqytta 3-kezeń boıynsha jumystar júrgizilýde, onyń aıasynda 10 myń sharshy metr joldy jóndeý josparlanǵan. Osylaısha, aýdanda joldardy aǵymdaǵy jóndeý jumystarynyń jalpy kólemi jyl sońyna deıin shamamen 40 myń sharshy metrdi quraıdy», - dedi Aıdar Jákibaev.

«Halyq qatysatyn bıýdjet» baǵdarlamasynyń 2 kezeńi aıasynda 34 joba júzege asýda.

Búgingi tańda 30 joba aıaqtaldy, 4 joba júzege asýda.

Aýdan ákimi Aıdar Jákibaev baıandamadan soń kezekti BAQ ókilderine berip, olardyń suraqtaryna jaýap berdi.