Almatyda qala mańyna taǵy bir avtobýs qatynaıtyn boldy

<p>26 qarashadan bastap Almatyda qala mańyna qatynaıtyn №216 nómirli jańa marshrýt iske qosyldy. Bul týraly qalalyq Mobıldilik basqarmasynan málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Atalǵan marshrýt Dáýlet aýyly men Almaty-1 temirjol vokzaly aralyǵynda qyzmet kórsetedi. Baǵyttaǵy avtobýs sany – 5, qozǵalys aralyǵy – 45 mınýt.

Esterińizge sala keteıik, Almaty aglomeratsııasyn damytý aıasynda qalalyq Mobıldilik basqarmasy 2023 jyly 25 eldi mekendi qamtıtyn 10 qalamańy marshrýtyn uıymdastyrýdy josparlap otyr.

Buǵan deıin 7 marshrýt iske qosylǵan bolatyn. 

Budan bólek, 2024 jyldyń sońyna deıin qala mańyna qatynaıtyn 20 jańa baǵyt ashylady. Olardyń esebinen 50 eldi meken turaqty jolaýshylar avtobýsymen qamtamasyz etiledi.