Almatyda qala mańyna qatynaıtyn taǵy bir jańa avtobýs baǵyty ashyldy
23:40, 15 Qazan 2024
<p>ALMATY. KAZINFORM – Búginen bastap Almaty qalasynan Esik kentine deıin jańa avtobýstar qatynaıtyn boldy.</p>
Almaty mańyndaǵy qoǵamdyq kólik qozǵalysyn damytý maqsatynda 15 qazannan bastap №252 baǵyt ashyldy.
Bul marshrýt «Raıymbek» metro beketinen Esik qalasyna deıin júredi. Sońǵy aıaldamasy – Eńbekshiqazaq aýdanynyń Qyzyljar aýyly. Jolaýshylarǵa 25 avtobýs qyzmet kórsetedi, júrý aralyǵy 10 mınýt.
Osy kúnge Almatyda 34 qala mańy baǵyty ashylyp, olarǵa 491 avtobýs bólingen bolatyn.
Jyl sońyna deıin Almaty aglomeratsııasyndaǵy 70-ke jýyq eldi mekendi qamtıtyn taǵy 19 baǵyt ashý josparlanyp otyr.
Buńan deıin qala ákiminiń orynbasary Asqar Amrın 2024 jylǵa qaraı halyqtyń jaılylyǵy úshin 30 jańa magıstraldyq qala mańy marshrýttary iske qosylatynyn aıtqan bolatyn.